தமிழன்னை காப்பாள் தமிழுன்னை
திக்கெட்டும் ஒலிக்கும் தமிழாம் மொழியழகு/
புகழ் நிறைக்கும் சீரிளமை வனப்பழகு/
கல்தோன்றா முன்தோன்றிய காவியச் சிறப்பழகு/
என்றென்றும் இனிக்கின்ற இயல்பான நடையழகு/
தென்னகத்து மென்மொழியின் திகட்டாத சுவையழகு/
இன்னிசைத் தமிழில் கவிபாடும் கலையழகு/
கம்பன் பாரதியின்
கவின்தமிழ் மொழியழகு/
வார்த்தைகளால் வாயினிக்க
பாடும் இசையழகு/
இளமையென்றும் மாறாத தாய்மொழியாம் தமிழழகு/
தமிழன்னை காப்பாள் தமிழுன்னை என்றுமே/
Comments
Post a Comment